Juventus og Liverpool eru farin að horfa til Mason Mount, leikmanns Chelsea og fylgjast grannt með stöðu samningsviðræðna hans við vinnuveitendur sína. The Guardian segir frá.

Samningur Mount, sem hefur verið lykilmaður hjá Chelsea undanfarin ár, rennur út sumarið 2024.

Chelsea hefur haldið nokkra fundi með Mount og hans fulltrúum en ekkert hefur gengið að fá hann til að skrifa undir.

Í gær sagði The Athletic þó að það horfði til betri vegar í viðræðunum og að leikmaðurinn gæti skrifað undir eftir Heimsmeistaramótið í Katar.

Menn munu setjast að borðinu á mánuði aftur í janúar og þá gæti verið að samningar náist.

Þangað til allt er frá gengið munu önnur félög þó fylgjast með, þar á meðal Juventus og Liverpool.

Chelsea vill helst ekki að Mount fari inn á síðasta ár samnings síns á næstu leiktíð.