Það er langt síðan Manchester City hætti að greiða Benjamin Mendy laun. Það gerði félagið í kjölfar þess að hann var ásakaður um fjölda kynferðisbrota.
Mendy er sakaður um sjö nauðganir, eitt kynferðisbrot og eina tilraun til nauðgunar. Atvikin eiga að hafa átt sér stað frá október 2018 til ágúst 2021.
Réttarhöldin yfir honum standa yfir þessi misserin.
Mendy sagði það fyrir rétti í gær að City hafi hætt að borga sér laun í september í fyrra, fyrir fjórtán mánuðum síðan.
Frakkinn þénaði yfir hundrað þúsund pund á viku hjá City og er því ljóst að hann hefur misst af hundruðum milljóna.
Samningur hins 28 ára gamla Mendy við Englandsmeistarana rennur út næsta sumar. Það þyrfti eitthvað ótrúlegt að gerast til að hann yrði framlengdur.
