Landsliðskonan Dagný Brynjarsdóttir lýsir yfir ósætti í garð Knattspyrnusambands Íslands með færslu sinni á Instagram.

Hún birti færsluna í kjölfar þess að Aron Einar Gunnarsson, fyrirliði Íslenska karlalandsliðsins, fékk treyju með 100 á bakinu í tilefni að sínum hundraðasta A-landsleik.

„Birkir Bjarna fékk treyju eftir sinn leik í sept ’21… Aron Einar fékk treyju eftir sinn leik í dag… Við Glódís Perla erum enn að bíða eftir okkar hundrað leikja treyju síðan í apríl!!! Litlu hlutirnir í þessari blessuðu baráttu alla daga,“ skrifar Dagný á Instagram.

Sem fyrr segir lék Aron Einar sinn hundraðasta A-landsleik í gær. Það gerði hann í vináttulandsleik við Sádi-Arabíu.