Fyrrum leikmaður í ensku úrvalsdeildinni er að íhuga það að koma út úr skápnum í viðtali í sjónvarpi. Ensk blöð fjalla um málið.
Þar segir að maðurinn íhugi nú að opinbera kynhneigð sína fyrir ensku þjóðinni í aðdraganda HM í Katar.
„Hann telur það rangt að þetta sé spilað í Katar vegna þess að þeir banna sambönd samkynhneigðra,“ segir vinur mannsins og heimildarmaður enskra blaða.
„England er auðvitað með í mótinu en hann er ekki að skella skuldinni á þá.“
„Hann vonar að það verði mörg atvik þar sem þessu verður mótmælt hvernig Katar tekur á samkynhneigðum.“
Gary Lineker sérfræðingur BBC sagði á dögunum að tveir samkynhneigðir leikmenn væru í ensku úrvalsdeildinni. Hann sagðist vona að þeir kæmu út úr skápnum í kringum HM í Katar.
