Cristiano Ronaldo var mættur í byrjunarlið Manchester United í kvöld gegn West Ham í ensku úrvalsdeildinni.

Ronaldo lá undir töluverðri gagnrýni nýlega fyrir hegðun sína í leik gegn Tottenham er hann neitaði að koma inná.

Gary Neville, fyrrum liðsfélagi Ronaldo, var á meðal þeirra sem gagnrýndu hann en Neville vinnur í dag fyrir Sky Sports.

Ronaldo er ekki búinn að gleyma gagnrýni Neville og gerði það skýrt fyrir upphafsflautið í dag.

Ronaldo heilsaði upp á sparkspekingana Louis Saha og Jamie Redknapp sem stóðu þarna ásamt Neville.

Portúgalinn hundsaði Nevile algjörlega og virtist hafa lítinn áhuga á samskiptum við hann.

Svipað atvik átti sér stað fyrr á tímabilinu er Ronaldo heilsaði ekki Jamie Carragher sem hafði gagnrýnt hann opinberlega.

,,Eins og Jamie Carragher myndi segja þér, þetta gerist ef þú talar gegn Ronaldo,“ segir David Jones í útsendingunni.

Cristiano Ronaldo clearly took Gary Neville’s criticism personal… 😂👋 pic.twitter.com/jOme84ZzDs

— SPORTbible (@sportbible) October 30, 2022