Raunveruleikastjarnan Chloe Brockett segir að Jack Grealish, leikmaður Manchester City og enska landsliðsins, hafi boðið henni með sér í húsið hans er þau voru í fríi á sama stað á Mykonos í Grikklandi síðastliðið sumar. Grealish er í sambandi með annari konu, Sasha Attwood.

Hinn 26 ára gamli Grealish skellti sér til Mykonos eftir Evrópumót landsliða í sumar. Þar á hann að hafa hitt Brockett og síðar boðið henni með sér heim.

,,Það vildi svo til að Jack var í Mykonos, á sama stað og ég og á sama tíma,“ sagði Brockett við The Sun. ,,Ég hafði aldrei talað við hann eða hitt áður. Ég vissi ekki eini sinni hver hann var fyrir Evrópumótið.“ 

,,Mér fannst hann heillandi og vinalegur. Svo er hann auðvitað mjög myndarlegur. Hann virkaði eins og indæll náungi.“

Þá er Grealish sagður hafa haft samband við Brockett einu sinni aftur í þessu sama fríi. Þetta gerðist aðeins nokkrum dögum eftir að Attwood, kærasta hans, hafði stutt hann á EM.

Þetta er ekki í fyrsta sinn sem Grealish er sakaður um framhjáhald. Hann hefur áður verið sakaður um að halda framhjá með þeim Emili Atack og Amber Gill. Sjálfur segir hann ekkert til í því.

Enski boltinn á 433 er í boði