Rodez AF í næst efstu deild í Frakklandi hefur staðfest að félagið hafi gengið frá samningi við Árna Vilhjálmsson.
Árni semur við Rodez til ársins 2024 eða til tveggja og hálfs árs.
Enzo Zidane sonur Zinedine Zidane er í herbúðum liðsins en liðið situr í tíunda sæti í Ligue 2.
Árni rifti samningi sínum við Breiðablik á dögunum en hann hafði slíka klásúlu í samningi sínum.
Sara Björk Gunnarsdóttir unnusta Árna leikur með Lyon í Frakklandi. Rodez er fjóra klukkutíma frá Lyon og er staðsett í Suður-Frakklandi.
Árni er 27 ára gamall en hann hefur leikið í Noregi, Svíþjóð, Úkraínu og Póllandi á ferli sínum í atvinnumennsku.