Jesse Lingard er afar ósáttur við stjórnarmenn Manchester United en þeir vilja ekki missa hann frá félaginu í janúar.
Samningur Lingard við enska félagið rennur út í lok leiktíðar en hann vill ólmur komast í burtu strax til að fá meiri spilatíma.
Lingard taldi Rangnick hafa lofað sér að hann mætti fara á lán út leiktíðina og var Newcastle líklegasti áfangastaðurinn. Félagið er tilbúið að borga 6 milljónir punda og launapakka Lingard en stjórnarmenn Manchester United vilja töluvert meira.
Lingard fór á lán á síðasta tímabili til West Ham þar sem hann sló í gegn. Solskjaer sannfærði hann um að vera áfram hjá Manchester United á þessu tímabili og lofaði meiri spilatíma sem ekki hefur verið staðið við.
