Mikkel Mena Qvist er að semja við Breiðablik en þetta fullyrðir Hjörvar Hafliðason í hlaðvarpsþætti sínum Dr. Football.

Qvist er 28 ára gamall varnarmaður í eigu Horesens í Danmörku en hefur tvö síðustu sumur verið á láni hjá KA.

Qvist er örfættur varnarmaður en Óskar Hrafn Þorvaldsson hefur verið að styrkja lið Breiðabliks í vetur. Auk Qvist hefur liðið samið við Ísak Þorvaldsson, Dag Dan Þórhallsson, Juan Camilo Perez og Pétur Theodór Árnason.

Í þættinum kom einnig fram að FH sé að ganga frá samningi við Adam Örn Arnarson sem er að koma heima úr atvinnumennsku. Var þar vitnaði í Arnar Laufdal sem hafði sagt frá þessu á Twitter síðu sinni.

Adam hefur verið í atvinnumennsku frá 2013 en hann ólst upp í Breiðablik og hefur æft með liðinu.