Chelsea sótti Brighton heim á Amex völlinn í ensku úrvalsdeildinni í kvöld. Fyrri leik liðanna á Stamford Bridge í lok desember lauk með 1-1 jafntefli.
Hakim Ziyech kom gestunum yfir á 28. mínútu með föstu skoti utan teigs. Robert Sanchez í marki Brighton kom hönd í boltann en hefði mátt gera betur.
Staðan var 1-0 fyrir Chelsea í hálfleik en Adam Webster, varnarmaður Brighton, jafnaði metin fyrir heimamenn þegar hann skallaði boltann í netið eftir hornspyrnu.
Þjálfarar beggja liða gerðu breytingar í síðari hálfleik til að reyna að knýja fram sigur en allt kom fyrir ekki og jafntefli niðurstaða.
Chelsea er í 3. sæti með 44 stig eftir að hafa leikið 23 leiki. Brighton er í 9. sæti með 29 stig en liðið hefur spilað 21 leik.
Brighton 1 – 1 Chelsea
0-1 Hakim Ziyech (’28)
1-1 Adam Webster (’60)
