Alan Shearer fyrrum framherji enska landsliðsins tók upp tólið í vikunni og hringdi i Marcus Rashford framherja Manchester United.
Ensk blöð fjalla um málið en Rashford er í dimmum dal þar sem ekkert gengur upp innan vallar.
Stuðningsmenn Manchester United eru að gefast upp á Rashford og var aðeins baulað á hann gegn Aston Villa á mánudag.
Rashford hefur byrjað tíu leiki á þessu tímabili og verið tekinn af velli í átta þeirra. Hann hefur ekki skorað í síðustu ellefu leikjum.
Shearer tók up tólið samkvæmt enskum blöðum og gaf honum ráð hvernig hann á að takast á við pressuna. Hann tjáði honum að það væri vel mögulegt að komast í gegnum hlutina.
Shearer varð enskur meistari með Blackburn og er markahæsti leikmaður í sögu Newcastle. Hann tjáði Rashford að lokum að síminn væri alltaf opinn ef hann vildi ræða málin.
