Það var þungt yfir Trent Alexander-Arnold þegar hann snéri til baka úr verkefni með enska landsliðinu þar sem hann fékk ekkert tækifæri.
Trent var ónotaður varamaður gegn Ítalíu og var settur utan hóps fyrir leik gegn Þýskalandi. Eru þetta slæm tíðindi fyrir bakvörðinn sem vill komast í HM hóp Englands.
„Ég hef miklar skoðanir á þessu en það þjónar ekki tilgangi að ræða það,“ sagði Jurgen Klopp, stjóri Liverpool um málið.
„Ég sé Trent allt öðruvísi en enska landsliðið. Fólk talar um að hann sé ekki nógu góður varnarmaður en það er ekki satt. Hann er góður varnarmaður en hann verst ekki alltaf vel, það er satt.“
„Hann er 23 ára gamall og við erum að vinna í því. Sama hvaða lið ég væri að stýra í heiminum, ég myndi vilja hafa Trent. Hann er magnaður.“
„Þetta er ákvörðun Southgate, ég sé hlutina öðruvísi en það segir ekkert til um hvor hefur rétt fyrir sér.“
„Það var enginn partý stemming yfir Trent þegar hann kom aftur en hann virðir ákvörðun þjálfarans. Hann er heimsklassa leikmaður.“
