Elvar Geir Magnússon stjórnarmaður hjá Leikni og ritstjóri Fótbolta.net virðist verulega ósáttur með grein sem Víðir Sigurðsson ritaði í Morgunblaðið í dag.

Elvar Geir er þeirrar skoðunnar að Arnar Þór Viðarsson hafi átt að senda nokkra lykilmenn úr hópi sínum niður í U21 árs landsliðið. A-landsliðið mætir Albaníu í Þjóðadeild karla og getur ekki unnið riðil sinn á meðan U21 árs liðið er í umspili um laust sæti á EM.

Sjö leikmenn sem gjaldgengir eru í U21 liðið eru í A-landsliðinu en Arnar Þór Viðarsson þjálfari A-liðsins tók þá ákvörðun að halda í þá leikmenn

„Síðustu daga hef­ur verið kallað eft­ir því að leik­menn úr A-landsliði karla í fót­bolta verði færðir yfir í 21-árs landsliðið fyr­ir seinni um­spils­leik­inn gegn Tékk­um í dag, í stað þess að spila með A-liðinu gegn Alban­íu. Þar með auk­ist mögu­leik­arn­ir á því að 21-árs liðið kom­ist í loka­keppni EM í annað skiptið í röð sem yrði sann­ar­lega glæsi­leg­ur ár­ang­ur,“ skrifaði Víðir í Morgunblaðið.

„En hafa þeir sem kallað hafa eft­ir þessu hugsað málið alla leið? Strák­arn­ir sem hafa spilað þessa undan­keppni með 21-árs liðinu og staðið sig frá­bær­lega, eiga þeir allt í einu að víkja í síðasta leikn­um fyr­ir mönn­um sem hafa alls ekki verið í liðinu eða hópn­um?“

Sakar Víði um að leika sér að því að misskilja:

Elvar Geir hefur farið mikinn í umræðunni og heffur kallað eftir því Davíð Snorri Jónasson fái nokkra leikmenn úr A-landsliðinu. Hann sakar Víði um að leika sér að því að misskilja hlutina.

„Svo gaman þegar menn og bakverðir leika sér að því að misskilja umræðuna,“ skrifar Elvar en nefnir þó ekki Víði á nafn en grein Víðis birtist undir liðnum, Bakvörður eins og Elvar vitnar til.

„Er ekki verið að tala um að setja alla sjö U21 strákana yfir til Tékklands heldur leysa þær stöður sem þörf er á, sérstaklega núna þegar Kristall, Ísak og Sævar eru allir off,“ skrifar Elvar.

Svo gaman þegar menn og bakverðir leika sér að því að misskilja umræðuna. Er ekki verið að tala um að setja alla sjö U21 strákana yfir til Tékklands heldur leysa þær stöður sem þörf er á, sérstaklega núna þegar Kristall, Ísak og Sævar eru allir off. #fotboltinet

— Elvar Geir Magnússon (@elvargeir) September 27, 2022

Hilmir Rafn Mikaelsson var kallaður inn í hópinn. „Kallaður inn spennandi leikmaður úr U19 liðinu en hann hefur ekkert tekið þátt í þessari undankeppni meðan Hákon hefur spilað fjóra leiki sem dæmi,“ skrifar Elvar og á þar við um Hákon Arnar Haraldsson sem byrjaði síðasta A-landsleik karla.

Meira:
Víðir blandar sér í hitamálið í kringum KSÍ – „Hafa þeir sem kallað hafa eft­ir þessu hugsað málið alla leið?“