Það hefur vakið töluverða athygli síðustu daga er framherjinn Dusan Vlahovic var orðaður við lið Arsenal.

Það er ekki langt síðan Vlahovic gekk í raðir Juventus en hann kom til liðsins frá Fiorentina og hefur staðið sig vel í Túrin.

Nýlega voru orðrómar um að Arsenal ætlaði sér að fá Vlahovic í janúar en það eru kjaftasögur.

Það segir blaðamaðurinn virti Fabrizio Romano en hann er einn af þeim virtustu þegar kemur að félagaskiptamarkaðnum.

,,Eins og staðan er þá er ekkert á milli Arsenal og Dusan Vlahovic. Við getum ekki spáð í framtíðina en eins og er þá er ekkert samband þarna á milli,“ sagði Romano.

,,Vlahovic er mikilvægur leikmaður fyrir Juventus og þeir borguðu yfir 75 milljónir evra fyrir hann, þetta er afskaplega ólíklegt.“