Samkvæmt Instagram-reikningi Alberts Guðmundssonar er leikmaðurinn nú staddur í Mónakó.

Albert er leikmaður Genoa í ítölsku B-deildinni, en hann var ekki valinn í landsliðshóp Arnars Þórs Viðarssonar fyrir leik gegn Venesúela síðar í dag og leik gegn Albaníu í Þjóðadeildinni á þriðjudag.

Arnar gagnrýndi hugarfar leikmannsins á blaðamannafundi á dögunum. „Ég var mjög óánægður og svekktur með hugarfar Alberts í síðasta glugga. Fyrir mér á að vera mikill heiður að vera í landsliðinu og það kallar á 100 prósent hugarfar. Þú ert annað hvort hundrað prósent með okkur í þessu eða ekki,“ sagði Arnar.

Albert nýtur því lífsins í Mónakó ef marka má nýja færslu hans.