Jude Bellingham, miðjumaður Borussia Dortmund, er gríðarlega eftirsóttur. Í dag segir The Athletic frá stöðu leikmannsins og baráttunni sem framundan er um hann næsta sumar.
Það er talið líklegt að hinn 19 ára gamli Bellingham yfirgefi Dortmund fyrir stærra félag næsta sumar.
Real Madrid, Liverpool, Manchester City, Manchester United og Chelsea hafa öll áhuga á enska miðjumanninum og gætu reynt við hann næsta sumar.
Það verður hins vegar ekki auðvelt að fá hann. Talið er að Dortmund meti hann á um 150 milljónir evra.
Í núgildandi samningi leikmannsins, sem rennur út eftir þrjú ár, er enginn klásúla sem gerir félögum kleift að kaupa hann fyrir ákveðna upphæð, líkt og var í tilfelli Erling Braut Haaland, sem fór til Manchester City í sumar.
Dortmund getur því leyft sér að biða um háar fjárhæðir fyrir Bellingham. Þó kemur einnig fram að þýska félagið hafi áhuga á að framlengja við leikmanninnn unga.
