Ivan Toney, leikmaður Brighton, var ekki hrifinn af Twitter færslu varnarmannsins Gabriel eftir leik liðanna um helgina.
Gabriel er leikmaður Arsenal og hermdi eftir færslu Toney eftir sigurinn en það var færsla sem var sett inn á síðustu leiktíð.
,,Gaman í bolta með strákunum,“ skrifaði Toney á síðustu leiktíð er Brentford vann 2-0 sigur en Arsenal vann leik helgarinnar 3-0. Sigur Brentford á þeim tíma var sá fyrsti í sögu liðsins í ensku úrvalsdleildinni.
Alexandre Lacazette, fyrrum leikmaður Arsenal, hafði gert það sama og Gabriel og tístaði sama texta eftir 2-1 sigur einnig á síðustu leiktíð.
Toney hefur nú tjáð sig um færslu Gabriel um helgina en hann þurfti að stöðva sjálfan sig frá því að setja inn svar.
,,Þetta var fyndið í fyrsta skiptið en vandræðalegt í því seinna. Ég þurfti að bíta í tunguna, ég vildi svara honum og skjóta til baka,“ sagði Toney.
,,Þeir eiga þó hrós skilið, þetta er annað Arsenal lið en við spiluðum við áður.“
Enski boltinn á 433 er í boði 
