Albert Guðmundsson verður ekki í landsliðshópnum sem tilkynntur verður síðar í dag, ef marka má heimildir hlaðvarpsins Dr. Football.
Ísland mætir Venesúela í vináttulandsleik í Austurríki eftir slétta viku. Fimm dögum síðar keppir liðið gegn Albaníu í lokaleik sínum í Þjóðadeild UEFA.
Arna Þór Viðarsson landsliðsþjálfari mun formlega tilkynnna um leikmannahópinn síðar í dag.
Hinn 25 ára gamli Albert er leikmaður Genoa í ítölsku B-deildinni. Hann heldur kyrru fyrir þar í stað þess að koma í landsliðsverkefnið samkvæmt hlaðvarpinu.
Þá er talað um að samband Alberts og Arnars sé stirt, sem spilar inn í ákvörðun þess síðarnefnda að velja leikmanninn ekki.
Albert Guðmundsson er ekki í leikmannahópi landsliðsins sem verður tilkynntur á eftir skv. okkar heimildum. Samskipti hans og Arnars hafa að sögn svokallaðra sérfræðinga verið stirð og því heldur Albert kyrru fyrir á Ítalíu á meðan okkar menn etja kappi við Venezúela og Albaníu. pic.twitter.com/D1baR2jtwO
— Dr. Football Podcast (@drfootballpod) September 16, 2022
