Leandro Paredes gerði allt til að komast til Juventus í sumar eftir að hann sá að landi sinn Angel Di Maria gekk í raðir liðsins.
Paredes segir sjálfur frá þessu en Paredes kom til Juventus í sumar frá Paris Saint-Germain líkt og Di Maria sem var samningslaus.
Juventus var aldrei efst á lista Paredes áður en hann heyrði af því að Di Maria væri á leið til liðsins.
Eftir að hafa heyrt það reyndi leikmaðurinn allt til að komast til félagsins og það gekk upp að lokum.
,,Síðan ég heyrði af því að Di Maria myndi enda hjá Juventus þá byrjuðum við að ræða saman,“ sagði Paredes.
,,Ég gerði allt til að komast þangað. Ég hef nú þegar sagt honum að hann verði að vera í eitt ár til viðbótar og ég vona að ég hafi sannfært hann.“
