Stjarnan 0 – 2 Keflavík
0-1 Frans Elvarsson(’51)
0-2 Joey Gibbs(’58)
Keflavík vann sterkan sigur í Bestu deild karla í kvöld er liðið heimsótti Stjörnuna í 20. umferð.
Keflavík er komið í 25 stig í sjöunda sæti deildarinnar og upp fyrir Fram eftir 2-0 sigur á Stjörnunni.
Frans Elvarsson kom Keflvíkingum yfir í kvöld áður en Joey Gibbs bætti við öðru marki ekki löngu síðar.
Gengi Stjörnunnar hefur heldur betur dalað undanfarið og var liðið að tapa sínum fjórða leik í röð.
Keflavík er aðeins þremur stigum frá Stjörnunni eftir leikinn þegar tvær umferðir af venjulegri keppni eru eftir.
