Það voru þrjú stórlið í eldlínunni í Serie A í kvöld en tvö af þeim nældu í örugga sigra.
Roma er komið á toppinn í deildinni eftir leik við Monza á heimavelli þar sem Paulo Dybala var allt í öllu.
Dybala hefur byrjað feril sinn frábærlega með Roma og skoraði tvennu í 3-0 sigri í kvöld.
Inter Milan var ekki í vandræðum með annað smálið og vann Cremonese sannfærandi 3-1 á heimavelli.
AC Milan er í þriðja sætinu og tapaði stigum í annað skiptið í sumar eftir jafntefli við Sassuolo.
Leiknum lauk með markalausu jafntefli þar sem Sassuolo klikkaði á vítaspyrnu í fyrri hálfleik.
Roma 3 – 0 Monza
1-0 Paulo Dybala (’18)
2-0 Paulo Dybala (’32)
3-0 Roger Ibanez (’61)
Inter 3 – 1 Cremonese
1-0 Joaquin Correa (’12)
2-0 Nicolo Barella (’38)
3-0 Lautaro Martinez (’76)
3-1 David Okereke (’90)
Sassuolo 0 – 0 Milan
