Fylkismenn eru nánast búnir að tryggja sér sæti í Bestu deild karla á nýjan leik eftir viðureign við HK sem fór fram í Kórnum í kvöld.

Um var að ræða tvö efstu lið deildarinnar en tvo stig skildu þau að á toppnum fyrir leikinn.

Mathias Laursen skoraði bæði mörk Fylkis í frábærum 2-0 útisigri sem þýðir að liðið er með fimm stiga forskot á toppnum þegar fjórar umferðir eru eftir.

Grótta er í þriðja sætinu með 31 stig, 11 stigum frá Fylki en liðið vann Þór á sama tíma 1-0 þar sem sjálfsmark tryggði sigurinn.

Þróttur Vogum er fallið niður í 2. deildina en liðið tapaði 3-0 gegn Aftureldingu og er enn með aðeins sex stig á botninum.

Þróttur hefur unnið aðeins einn leik í allt sumar og er með markatöluna -38 sem er skelfilegur árangur.

Ljóst er að KV mun fylgja Þrótturum niður um deild en liðið er 12 stigum frá öruggu sæti þegar einmitt 12 stig eru eftir í pottinum.

KV spilaði við Grindavík í kvöld og tapaði 3-1 eftir að hafa skorað fyrsta mark leiksins undir lok fyrri hálfleiks.

Kórdrengir unnu þá lið Selfoss 1-0 á Selfossi og Vestri fór illa með Fjölni og vann 4-1 sigur.

HK 0 – 2 Fylkir
0-1 Mathias Laursen(’73)
0-2 Mathias Laursen(’81)

Grótta 1 – 0 Þór
1-0 Ásgeir Marinó Baldvinsson(’34, sjálfsmark)

Afturelding 4 – 0 Þróttur V.
1-0 Javier Ontiveros Robles (‘9)
2-0 Javier Ontiveros Robles (’44)
3-0 Guðfinnur Þór Leósson (’75)
4-0 Javier Ontiveros Robles (’88)

Selfoss 0 – 1 Kórdrengir
0-1 Loic Ondo(’27, víti)

KV 1 – 3 Grindavík
1-0 Grímur Ingi Jakobsson(’43)
1-1 Aron Jóhannsson(’45)
1-2 Tómas Leó Ásgeirsson(’51)
1-3 Dagur Ingi Hammer Gunnarsson(’59)

Vestri 4 – 1 Fjölnir
1-0 Nicolaj Madsen(’22)
2-0 Pétur Bjarnason(’35)
3-0 Vladimir Tufegdzic(’54, víti)
3-1 Lúkas Logi Heimisson(’68)
4-1 Pétur Bjarnason(’76)