Barcelona og Chelsea eru nálægt því að ná saman um sóknarmanninn Pierre-Emerick Aubameyang. Guillem Balague segir frá þessu.
Chelsea er í leit að framherja eftir að félagið losaði sig við þá Romelu Lukaku og Timo Werner í sumar.
Þá þurfa Börsungar sárlega á fjármunum að halda. Félagið þarf til að mynda 17 milljónir punda til að geta skráð Jules Kounde, nýjan varnarmann sinn, til leiks.
Aubameyang lék áður með Arsenal en hann fór þaðan í janúar. Það var töluvert fjaðrafok í kringum skipti hans frá Arsenal til Barcelona. Mikel Arteta, stjóri enska félagsins, hafði til að mynda tekið af honum fyrirliðabandið.
Þrátt fyrir fjárhagsvandræðin segir Balague einnig að Barcelona vilji enn fá Bernardo Silva frá Manchester City. Hann sé hugsaður sem lykilþáttur í framtíðaráætlunum Xavi, stjóra liðsins.
