Í gær birtist myndskeið á Youtube frá leik KR og FH árið 1991, þar sem dómari leiksins, Gísli Guðmundsson, bar hljóðnema.
Því var hægt að heyra allt það sem gekk á.
Fjöldi goðsagna í íslenskum fótbolta spiluðu leikinn. Þar má nefna Pétur Pétursson, Rúnar Kristinsson og Heimi Guðjónsson í lið KR og Hörð Magnússon í liði FH.
Þessi legendary klippa er loksins fundin. Visa Sport hljóðnemi á dómara fyrsta tilraun árið 1991. KR-FH þar sem Pétur Péturs, Óli Jói og Gísli Guðmunds dómari fara á kostum. https://t.co/5oeBh8aMlC Góða skemmtun !
— Gunnlaugur Jonsson (@gullijons) August 14, 2022
Margt gekk á í leiknum, líkt og sjá og heyra má í myndskeiðinu hér neðar.
Starf dómarans getur verið erfitt. Eftir leik fengu áhorfendur að hlaupa inn á völlinn, þar sem fúkyrðum var hrópað að Gísla.
„Þú ert svo heimskur að það er ekki einu sinni fyndið,“ sagði einn áhorfandinn.
„Safnaðu hári áður en þú ferð að dæma aftur,“ sagði annar.
