Leikmenn Manchester United þurftu að mæta á æfingu í dag eftir ömurlega frammistöðu gegn Brentford í gær.
Frá þessu greinir Sky Sports en Man Utd tapaði 4-0 gegn Brentford og sá aldrei til sólar í þeim leik.
Leikmenn Man Utd áttu upphaflega að fá frí á þessum ágæta sunnudegi en voru kallaðir til vinnu eftir frammistöðu gærdagsins.
Man Utd hefur byrjað tímabilið skelfilega en liðið tapaði gegn Brighton í fyrstu umferð.
Stórliðið er á botni ensku úrvalsdeildarinnar eftir tvær umferðir með markatöluna 1:6.