Það gengur svo sannarlega ekkert hjá liði FH í Bestu deild karla þessa dagana en liðið mætti ÍBV í Vestmannaeyjum í dag.
FH hefur ekki unnið leik í efstu deild síðan 25. apríl og er í harðri fallbaráttu sem kemur heldur betur á óvart.
ÍBV vann sannfærandi 4-1 heimasigur í dag og er nú fjórum stigum á undan FH í 9. sæti deildarinnar.
FH er með 11 stig í 10. sætinu en Leiknir er þar fyrir neðan í fallsæti og á tvo leiki til góða.
Á sama tíma áttust við lið KA og ÍA þar sem það síðarnefnda spilaði manni færri alveg frá 34. mínútu.
Hlynur Sævar Jónsson fékk að líta beint rautt spjald hjá ÍA í fyrri hálfleik og var verkefnið alltaf að fara vera erfitt.
KA skoraði þrjú mörk í síðari hálfleik til að tryggja sigur en Skagamenn eru á botninum með aðeins átta stig eftir 17 leiki.
ÍBV 4 – 1 FH
1-0 Halldór Jón Sigurður Þórðarson (‘9)
2-0 Eiður Aron Sigurbjörnsson (’13)
3-0 Andri Rúnar Bjarnason (’35, víti)
3-1 Úlfur Ágúst Björnsson (’62)
4-1 Felix Örn Friðriksson (’72)
KA 3 – 0 ÍA
1-0 Nökkvi Þeyr Þórisson (’68)
2-0 Hallgrímur Mar Steingrímsson (’75)
3-0 Nökkvi Þeyr Þórisson (’86)
