Gabriel Jesus skoraði í dag sín fyrstu mörk fyrir Arsenal í ensku úrvalsdeildinni er liðið mætti Leicester í London.

Það var fjörugur leikur á boðstólnum á Emirates en Arsenal fagnaði 4-2 sigri þar sem Jesus gerði fyrstu tvö mörk leiksins.

Arsenal var mun sterkari aðilinn í þessum leik og átti 19 marktilraunir gegn aðeins sex frá gestunum.

Manchester City skoraði einnig fjögur mörk en fékk ekkert á sig í sannfærandi sigri á Bournemouth.

Margir voru svekktir með það að Erling Haaland hafi ekki komist á blað en hann byrjaði hjá Englandsmeisturunum.

Haaland var fyrirliði margra í Fantasy leiknum en hann lagði þó upp fyrsta mark leiksins á Ilkay Gundogan.

Leeds og Southampton gerðu þá 2-2 jafntefli en þar skoraði Rodrigo bæði mörk þess fyrrnefnda sem komst 2-0 yfir.

Tvö markalaus jafntefli voru svo á boðstólnum en úrslit dagsins má sjá hér fyrir neðan.

Arsenal 4 – 2 Leicester
1-0 Gabriel Jesus(’23)
2-0 Gabriel Jesus(’35)
2-1 William Saliba(’53, sjálfsmark)
3-1 Granit Xhaka(’55)
3-2 James Maddison(’74)
4-2 Gabriel Martinelli(’75)

Man City 4 – 0 Bournemouth
1-0 Ilkay Gundogan(’19)
2-0 Kevin de Bruyne(’31)
3-0 Phil Foden(’37)
4-0 Jefferson Lerma(’79, sjálfsmark)

Southampton 2 – 2 Leeds
0-1 Rodrigo(’46)
0-2 Rodrigo(’60)
1-2 Joe Aribo(’72)
2-2 Kyle Walker Peters(’81)

Wolves 0 – 0 Fulham

Brighton 0 – 0 Newcastle