Lou Macari, goðsögn Manchester United, er ekki hrifinn af hugmyndinni að félagið sé að semja við Adrien Rabiot frá Juventus.

Rabiot ku vera nokkuð nálægt því að ganga í raðir Man Utd en hann hefur ekki beint staðist væntingar á Ítalíu eftir að hafa komið frá PSG.

Þessi 27 ára gamli leikmaður á aðeins eitt ár eftir af samningi sínum við Juventus en Macari er vægast sagt enginn aðdáandi.

,,Ég hafði aldrei heyrt um um þennan leikmann,“ sagði Macari í samtali við MUTV.

,,32 deildarleikir á síðustu leiktíð og ekkert mark. Aðrir eiginleikar? Ég er ekki viss um að þeir séu til staðar. Þetta snýst um staðreyndir.“

,,Félög eyða milljónum í að njósna um leikmenn í Evrópu en enginn hefur reynt við þennan náunga.“