Stuðningsmenn Manchester United hóta því að mæta ekki á völlinn þegar Liverpool mætir í heimsókn 22 ágúst.

Myllumerkið #EmptyOldTrafford flýgur nú hátt á samfélagsmiðlum þar sem því er hótað að mæta ekki á leikinn.

Eru stuðningsmenn að mótmæla Glazer fjölskyldunni sem á félagið. Hafa eigendur félagsins verið umdeildir í mörg ár.

Glazer fjölskyldan hefur tekið mikla fjármuni úr félaginu og þá hefur United eytt tæpum 900 milljónum punda í greiðslu á vöxtum af lánum sem Glazer fjölskyldan tók til að kaupa félagið.

Planið hjá stuðningsmönnum er að mæta fyrir utan völlinn og mótmæla fyrir leikinn en einnig að standa svo fyrir utan leikvanginn á meðan leikurinn er en ekki setjast í sæti á vellinum.

Leik liðanna fyrir 15 mánuðum var frestað þegar stuðningsmenn United mótmæltu og brutu sér leið inn á Old Trafford fyrir leik.