Daníel Tristan Guðjohnsen er farinn frá Real Madrid, en hann var í akademíu félagsins.
Hinn 16 ára gamli Daníel er sonur knattspyrnugoðsagnarinnar Eiðs Smára Guðjohnsen. Hann var áður í yngri flokka starfi Barcelona, þar sem faðir hans lék, en færði sig yfir til Real Madrid fyrir fjórum árum síðan.
Daníel þakkaði Real Madrid fyrir sig með færslu á Instagram í dag. Þar svaraði Alvaro Arbeloa, fyrrum leikmaður Liverpool og Real Madrid, kappanum. Hann þjálfaði hann í yngri liðum Real.
„Gangi þér vel Daníel. Það hefur verið heiður að þjálfa þig. Ég naut þess að sjá þig spila alla daga. Það eru frábærir hlutir handan við hornið fyrir þig,“ skrifaði Arbeloa.
Arbeloa með skilaboð #fotboltinet pic.twitter.com/XoJPImSTW1
— Guðmundur Ásgeirsson (@gummi_aa) August 10, 2022
