Manchester United getur gleymt því að fá Marko Arnautovic í sínar raðir frá Bologna í sumar.

Þetta segir Marco Di Vaio, yfirmaður knattspyrnumála Bologna, en Arnautovic var óvænt orðaður við Man Utd fyrst um helgina.

Þessi 33 ára gamli leikmaður þekkir vel til Englands og lék áður með bæði West Ham og Stoke.

Bologna hefur hins vegar engan áhuga á að selja sóknarmanninn sem er ekki á förum.

,,Við erum mjög stoltir af áhuga Man Utd í Marko en ætlum ekki að selja hann,“ sagði Di Vaio.

,,Við viljum halda honum hjá Bologna og eins og forsetinn hefur sagt þá er hann hluti af okkar verkefni – það er enginn verðmiði á honum.“

Enski boltinn á 433 er í boði