William Saliba spilaði sinn fyrsta keppnisleik fyrir Arsenal í dag er liðið mætti Crystal Palace í ensku úrvalsdeildinni.

Saliba átti mjög góðan leik í hjarta varnarinnar en Arsenal hafði betur 2-0 á Selhurst Park.

Hann ræddi við Sky Sports eftir leikinn í kvöld og var mjög ánægður með útkomuna.

,,Þetta var erfitt en við erum ánægðir með sigurinn í dag. Við vorum sterkir og stöðugir í dag,“ sagði Saliba.

,,Þetta var fyrsti leikurinn og hann var að fara vera erfiður. Þetta var gott fyrir liðið.“

,,Ég hef beðið lengi eftir þessu og er svo ánægður að byrja á sigri og með því að halda hreinu.“

,,Dvölin í Frakklandi hjálpaði mér, ég er ungur og þurfti að fá að spila. Ég vona að tímabilið verði gott.“