Miðjumaðurinn Tom Huddlestone gæti óvænt verið á leið til Manchester United. Telegraph segir frá.
Samningur hins 35 ára gamla Huddlestone við Hull City rann út fyrr í sumar. Talið er að Man Utd hafi áhuga á að fá hann inn í U-21 árs lið sitt, ásamt því að þjálfa hjá því.
Huddlestone er frægastur fyrir tíma sinn hjá Tottenham, þar sem hann var í átta ár, frá 2005 til 2013.
Þá hefur Huddlestone einnig leikið með Derby County á meistaraflokksferli sínum.
Miðjumaðurinn á að baki fjóra A-landsleiki, auk fjölda leikja með yngri landsliðum, fyrir Englands hönd. Komu þeir á árunum 2009 til 2012, er hann lék með Tottenham.
