Það var dramatík í Bestu deild karla í kvöld er FH og Stjarnan áttust við fyrir framan yfir þúsund áhorfendur í Hafnarfirði.
Tíu stig voru á milli þessara liða fyrir leikinn en gengi FH í sumar hefur verið slakt og er liðið með tíu stig eftir 11 umferðir.
FH þurfti að taka við einu stigi í kvöld eftir að hafa komist yfir með marki frá Steven Lennon í seinni hálfleik.
Leikurinn var fínasta skemmtun en Stjörnunni tókst að jafna á 88. mínútu er varamaðurinn Adolf Daði Birgisson kom knettinum í netið.
Stjarnan er með 20 stig í þriðja sætinu en er heilum 11 stigum frá toppsætinu.
Allt varð þá vitlaust undir lok leiks á Domusnovavellinum þar sem Leiknir vann 1-0 sigur á ÍA.
Mikkel Jakobsen skoraði eina mark leiksins í sigri Leiknis en hann gerði það á 65. mínútu leiksins.
Undir lokin fór allt úr böndunum er bæði Kaj Leo í Bartolsstovu hjá ÍA og Maciej Makuszewski fengu að líta rautt spjald og var hitinn mikill áður en flautað var til leiksloka.
ÍA er með átta stig í þriðja neðsta sætinu og var Leiknir að vinna sinn fyrsta sigur í sumar og er í næst neðsta sætinu.
FH 1 – 1 Stjarnan
1-0 Steven Lennon (’57)
1-1 Adolf Daði Birgisson (’88)
Leiknir R. 1 – 0 ÍA
1-0 Mikkel Jakobsen(’65)
