Það mætir enginn í vinnuna í Senegal þegar Sadio Mane er á knattspyrnuvellinum en hann segir sjálfur frá þessu stuttu aftur að hafa gengið í raðir Bayern Munchen.
Mane er vinsælasti og besti leikmaður Senegals en hann gekk í raðir Bayern frá Liverpool í sumar eftir mörg farsæl ár á Englandi.
Það er gríðarlegur áhugi fyrir Mane í Senegal sem vann einnig Afríkukeppnina í janúar með hann í fararbroddi.
Þegar sóknarmaðurinn er á vellinum eru margir í Senegal fastir við skjáinn og vilja alls ekki missa af sínum manni etja kappi.
,,Þegar ég spila fótbolta þá mætir enginn í vinnuna. Allir sitja fyrir framan sjónvarpið,“ sagði Mane.
,,Fjölskyldan mín var aldrei ánægð í minni æsku því fótboltinn var alltaf mikilvægari en skólinn. Heimabærinn minn er líitill og það er ómögulegt að gerast atvinnumaður þarna.“
,,Einhvern veginn þá fékk ég það á tilfinninguna að ég gæti gert það. Ég elti drauminn og fjölskyldan áttaði sig á því að það væri tilgangslaust að stöðva mig frá því að spila.“
