Barcelona samdi í gær við fjárfestingafyrirtækið Sixth Street um að félagið myndi selja þeim tíu prósent af sjónvarpstekjum sínum næstu tuttugu árin.

Sixth Street greiðir fyrir það rúmar 207 milljónir evra. Upphæðin jafngildir 29 milljörðum íslenskra króna.

Barcelona gerir þetta til að sjá til þess að félagið komi út í hagnaði áður en nýtt rekstrartímabil hefst í dag.

Ef tekið er mið af sjónvarpstekjum Barcelona síðasta árið ætti Sixth Street að fá um 400 milljónir evra í sinn vasa á meðan sanmningurinn er í gildi.

Barcelona hefur verið í gífurlegum fjárhagsvandræðum undanfarið. Í fyrra þurfti félagið til að mynda að leyfa Lionel Messi að fara frítt til Paris Saint-Germain þar sem það átti ekki efni á að endurnýja samning argentíska snillingsins sem var að renna út.