Allt er klappað og klárt og búast má við að Arsenal kynni Gabriel Jesus til leiks í dag. Myndir af Jesus í treyju númer 9 að labba á Emirates leka á netið.

Mikel Arteta, stjóri Arsenal, ásamt mönnum á bakvið tjöldin hjá félaginu, tókst á dögunum að krækja í Fabio Vieira frá Porto. Þá er markvörðurinn Matt Turner kominn til félagsins. Líklegt er að hann verði varamarkvörður á Emirates.

Þá er Arsenal við það að ganga frá kaupum á Gabriel Jesus frá Manchester City á 45 milljónir punda.

Arsenal er að styrkja lið sitt töluvert en Jesus var ofarlega á óskalista félagsins fyrir sumarið enda félagið ekki með marga kosti í fremstu línu.

Jesus er öflugur framherji frá Brasilíu sem náði aldrei að verða fastamaður í liði City. Hann þekkir vel til Arteta sem var áður aðstoðarþjálfari City.

Gabriel Jesus, wearing Arsenal’s #9, at the Emirates Stadium this morning, as the club prepare media duties ahead of the announcement of his move. 👀 #afc pic.twitter.com/D5BVTaSOVU

— afcstuff (@afcstuff) June 30, 2022