Nýir heimildarþættir frá Paul Pogba eru alls ekki að gera það gott þessa dagana en þeir voru framleiddir af Amazon.
Pogba er við það að skrifa undir samning hjá Juventus á Ítalíu og gengur frítt í raðir félagsins frá Manchester United.
Frakkinn er gríðarlega hæfileikaríkur leikmaður en hausinn hefur ekki alltaf verið skrúfaður rétt á og kom það niður á honum í Manchester.
Heimildarþættir Pogba, ‘the Pogmentary’ fá aðeins einn í einkunn af tíu á IMDB sem er gríðarlega lágt og er í raun erfitt að finna þætti með verri einkunn.
,Verstu heimildarþættir sem ég hef séð,‘ skrifar einn og annar bætir við: ,Hver einasti þáttur er aðeins lengri en ein af þessum fáránlegu hárgreiðslum sem hann skartar.’
Margir taka einnig fram að þeir myndu gefa þáttunum 0 í einkunn ef það væri möguleiki sem það er ekki.
