Það var heldur betur dramatík í Lengjudeild karla í kvöld en þrír leikir fóru fram í sjöttu umferð sumarsins.
Dramatíkin var mikil á Selfossi þar sem Fylkismenn björguðu stigi þegar stutt var í lokaflaut leiksins.
Gary Martin hafði komið Selfyssingum í 2-1 í síðari hálfleik en Frosti Brynjólfsson jafnaði metin í uppbótartíma til að tryggja gestunum mikilvægt stig.
Selfoss er enn á toppnum taplaust með 14 stig en Fylkir er í öðru sætinu með 11.
Einnig með 11 stig er Fjölnir sem þurfti að sætta sig við stig gegn Grindvíkingum á útivelli á sama tíma.
Dagur Ingi Hammer Gunnarsson tryggði þar Grindavík stig stuttu eftir að Fjölnismenn höfðu komist í 2-1.
Fyrsti sigur KV er þá staðreynd en liðið vann Aftureldingu 2-1 þar sem Björn Axel Guðjónsson gerði sigurmark leiksins á lokamínútunni.
Selfoss 2 – 2 Fylkir
0-1 Nikulás Val Gunnarsson (’41 )
1-1 Hrvoje Tokic (’51 , víti)
2-1 Gary Martin (’55 )
2-2 Frosti Brynjólfsson (’90 )
Grindavík 2 – 2 Fjölnir
1-0 Aron Jóhannsson (‘7 )
1-1 Guðmundur Þór Júlíusson (’58 )
1-2 Lúkas Logi Heimisson (’86 )
2-2 Dagur Ingi Hammer Gunnarsson (’89 )
KV 2 – 1 Afturelding
1-0 Grímur Ingi Jakobsson (’70 )
1-1 Ásgeir Frank Ásgeirsson (’84 )
2-1 Björn Axel Guðjónsson (’90 )
