Óvíst er hvort Robert Page eða Ryan Giggs verði þjálfari Wales þegar liðið stígur sinn fyrsta dans á Heimsmeistaramótinu í Katar í nóvember.

Wales tryggði sér síðasta sætið á þetta stærsta svið fótboltans um helgina, Wales vann þá sigur á Úkraínu í umspili.

Page hefur stýrt liði Wales frá því í nóvember árið 2020 en þá var Giggs handtekinn grunaður um að hafa lamið unnustu sína. Page var aðstoðarmaður Giggs.

Mál Giggs verður tekið fyrir í byrjun ágúst en hann hafnar öll þeim ásökunum sem á hann eru bornar. Knattspyrnusambsands Wales bíður eftir niðurstöðu í málinu.

Lögregla var kölluð til á heimili Giggs og Kate Greville í úthverfi Manchester í nóvember árið 2020 og var Giggs handtekinn á heimili sínu. Greville sakar hann um gróft líkamlegt ofbeldi.

Ensk blöð segja að lætin þeirra á milli hafi byrjað þegar hún ásakaði Giggs um að vera að halda framhjá sér og að konurnar væru tvær sem hann væri að hitta.

Framhjáhald væri ekki nýtt af nálinni í lífi Giggs. Giggs og Greville hafa verið saman síðustu ár en Giggs gekk í gegnum skilnað árið 2013 eftir að upp komst um framhjáhald hans til margra ára. Giggs hafði þá verið að sofa hjá eiginkonu bróður síns í átta ár.

Ensk blöð segja að Greville hafi komist í skilaboð í Ipad í eigu Giggs sem var tengdur við síma hans, þar gat hún skoðað skilaboð frá stelpum og er talað um að talsvert hafi verið daðrað í þeim skilaboðum. Greville þekkir konurnar, önnur starfar sem aðstoðarmanneskja knattspyrnumanna í London og hin er fyrirsæta sem bjó nálægt þeim í Manchester.