fbpx
Fimmtudagur 10.júlí 2025
433Sport

Einkunnir úr jafntefli Íslands í Ísrael – Velkominn á stóra sviðið Hákon Arnar

Aron Guðmundsson
Fimmtudaginn 2. júní 2022 20:44

GettyImages

Ekki missa af Helstu tíðindum dagsins í pósthólfið þitt

Lesa nánar

Ísland gerði í kvöld 2-2 jafntefli gegn Ísrael á útivelli í fyrstu umferð B-deildar Þjóðadeildar UEFA. Ísland var yfir lengi vel í leiknum en mark undir lok leiks frá Ísrael sá til þess að liðin skiptu með sér stigunum.

Hér verður farið fyrir frammistöðu leikmanna íslenska landsliðsins í kvöld.

Rúnar Alex Rúnarsson – 6

Ekki hægt að kenna Rúnari um fyrra markið sem Ísland fær á sig og Ísraelar skora af stuttu færi í öðru markinu. Rúnar var annars öruggur í aðgerðum sínum.

Alfons Sampsted – 4

Set stórt spurningarmerki við Alfons í marki Ísraela í fyrri hálfleik . Lét fara illa með sig í aðdraganda þess og þá fannst mér Leidner hafa mjög mikinn tíma út á kanti í aðdraganda annars marksins.

Brynjar Ingi Bjarnason – 4 

Tekinn af velli í hálfleik, ábyggilega vegna höggs sem hann fékk í fyrri hálfleik. Átti ekki góðan leik og meðal annars leiddi samskiptaleysi milli hans og Alfonsar að marki Ísraela í fyrri hálfleik. Brynjar gerði sig að minnsta kosti sekan um arfaslakar sendingar undir engri pressu í tvígang og hann var oft á tíðum óöruggur í sínum aðgerðum

Daníel Leó Grétarsson – 5
Svipað og með Brynjar, vottur af óöryggi í varnarleik hans í fyrri hálfleik, skárra í þeim seinni.

Hörður Björgvin Magnússon – 6

Þurfti að leysa tvær mismunandi stöður í leiknum, vinstri bakvörð í fyrri hálfleik og miðvörð í seinni. Hann átti stóran þátt í öðru marki Íslands með stoðsendingu en set spurningarmerki við hans stöðu í varnarlínu Íslands í öðru marki Ísraela

Birkir Bjarnason – 5

Límið á miðjunni en lítið í boltanum. Allt í lagi leikur hjá Birki.

Arnór Sigurðsson – 7

Átti flotta spretti í leiknum og kláraði sitt færi frábærlega þegar að hann kom Íslandi yfir á 53. mínútu. Hefur verið kallað eftir frammistöðu frá honum í íslenska landsliðsbúningnum og Arnór minnti á sig í kvöld með líflegri frammistöðu.

Þórir Jóhann Helgason – 6

Skorar mark og átti stöðuga frammistöðu. Hefði getað bætt við öðru marki ef ekki hefði verið fyrir magnaða markvörslu hjá markverði Ísraela.

Hákon Arnar Haraldsson – 8 (Maður leiksins)

Virkilega flott frumraun Hákons með A-landsliðinu og maður leiksins að mínu mati. Var vinnusamur á miðjunni, lét finna fyrir sér og sýndi á köflum í leiknum mjög góðan leikskilning með flottum sendingum. Flott frumraun á stóra sviðinu með landsliðinu, frammistaða sem vekur vonir og gaman að sjá þennan 19 ára leikmann stíga upp.

Fór meiddur af velli undir lok leiks en vonum að það sé ekkert alvarlegt.

Jón Dagur Þorsteinsson – 7

Flottar spyrnur úr föstum leikatriðum. Vinnusamur, var að sækja aukaspyrnur auk þess að koma sér í  góð færi. Á aðdragandann í fyrsta markinu með flottri sendingu og virtist alltaf koma ógn hjá Íslandi þegar hann var með boltann.

Sveinn Aron Guðjohnsen – 4

Einangraður og komst ekki í takt við leikinn, vantaði meira presence að mínu mati.

Varamenn: 

Davíð Kristján Ólafsson – 5

Kom inn í vinstri-bakvörðinn í hálfleik gerði lítið og átti mistök undir lok leiks sem urðu næstum því til þess að Ísraelar næðu sigurmarki.

Albert Guðmundsson – 6

Kom inn á 60. mínútu en sást lítið til hans.

Mikael Neville – Spilaði of lítið til að geta gefið einkunn

Stefán Teitur Þórðarsson – Spilaði of lítið til að geta gefið einkunn

Aron Elís Þrándarson – Spilaði of lítið til að geta gefið einkunn

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 5 klukkutímum

Líklegt byrjunarlið í lokaleik Íslands – Færri breytingar en einhverjir vilja

Líklegt byrjunarlið í lokaleik Íslands – Færri breytingar en einhverjir vilja
433Sport
Fyrir 5 klukkutímum

Sjáðu fallegt bréf Robertson til Diogo Jota – „Ég er þakklátur fyrir tímann sem þú gafst okkur“

Sjáðu fallegt bréf Robertson til Diogo Jota – „Ég er þakklátur fyrir tímann sem þú gafst okkur“
433Sport
Fyrir 6 klukkutímum

Stjórnarmaður KSÍ kemur Þorsteini og framkomu hans til varnar – „Það er ekkert pláss fyrir viðkvæmt fólk í blaðamennsku“

Stjórnarmaður KSÍ kemur Þorsteini og framkomu hans til varnar – „Það er ekkert pláss fyrir viðkvæmt fólk í blaðamennsku“
433Sport
Fyrir 17 klukkutímum

Heinze aðstoðar Arteta

Heinze aðstoðar Arteta
433Sport
Fyrir 17 klukkutímum

Hafa fengið 80 milljónir á mótinu hingað til

Hafa fengið 80 milljónir á mótinu hingað til
433Sport
Fyrir 23 klukkutímum

Græðir þú á leik Íslands?

Græðir þú á leik Íslands?
433Sport
Fyrir 23 klukkutímum

Arsenal ekki til í að borga uppsett verð en vilja láta leikmenn fara sem skiptimynt

Arsenal ekki til í að borga uppsett verð en vilja láta leikmenn fara sem skiptimynt
433Sport
Í gær

Í sögulegu samhengi standast orð Þorsteins ekki skoðun – Leikmenn hafa í gegnum tíðina látið reka þjálfara

Í sögulegu samhengi standast orð Þorsteins ekki skoðun – Leikmenn hafa í gegnum tíðina látið reka þjálfara
433Sport
Í gær

Bað Þorstein um útskýringar á reiðikasti sínu – „Af hverju finnst þér það heimska?“

Bað Þorstein um útskýringar á reiðikasti sínu – „Af hverju finnst þér það heimska?“