Knattspyrnumaðurinn Andy Carrol er í vandræðum þessa stundina. Í gær birtist mynd af honum í rúmi með konu í steggjaferð kappans. Enski framherjinn á að giftast Billi Mucklow eftir tvær vikur.

Steggjun Carroll fór fram í Dubai en hann lagðist til rekkju með Taylor Jane Wilkey sem sér um skemmtistaði. Carroll hafði komið til Dubai með unnustu sinni en hún hélt heim á leið þegar steggjunin fór af stað.

„Það gerðist ekkert sem ætti að skemma sambandið, þetta var bara fjör,“ sagði Taylor.

Nú kveðst enska götublaðið The Sun hafa í höndunum fleiri myndir af Carrol frá þessu kvöldi. Þar sé meðal annars mynd af Phoebe Robb, vinkonu Taylor, með þeim í rúminu.

Unnusta Carrol sagðist standa með honum eftir að myndin af honum og Taylor lak út í gær og trúir hún því að ekkert óskynsamlegt hafi komið upp á. Það er spurning hvernig hún bregst við nýjustu fregnum.

Carroll hefur á ferli sínum leikið með Liverpool, Newcastle, West Ham og fleiri liðum.