Hólmar Örn Eyjólfsson hafnaði því að snúa aftur í íslenska landsliðið þegar eftir því var kallað. Þetta er fullyrt á Fótbolta.net í dag.

433.is sagði fyrst allra frá því í síðustu viku að Arnar Þór Viðarsson hefði beðið Hólmar um að snúa aftur.

Hólmar hætti í landsliðinu á síðasta ári en Arnar Þór vildi fá þennan öfluga varnarmann til baka.

„Vorum að fá þær upplýsingar að það hafi ekki gengið hjá Arnari að sannfæra Hólmar Örn. Hólmar hafi sagt nei og snýr ekki aftur í landsliðsskóna… allavega ekki að svo stöddu,“ segir í frétt Fótbolta.net.

Arnar Þór mun klukkan 13:15 í dag velja hóp sinn fyrir komandi í verkefni í júní.