Meiðyrðamál Rebekuh Vardy gegn Coleen Rooney er nú fyrir dómsstólum og undanfarna daga hefur það verið tekið fyrir og það mun einnig verða gert næstu daga. Verjandi Rooney sótti hart að Rebekuh Vardy í málinu, sakaði hana meðal annars um lygar og lagði fyrir hana nokkur mál sem hann vill meina að Vardy tengist beint en hún þverneitar.

Málið tengist inn í enska boltann en Jamie Vardy, framherji Leicester City er eiginmaður Rebekuh og Wayne Rooney, knattspyrnustjóri Derby County og fyrrum leikmaður Manchester United er eiginmaður Coleenar.

Co­leen Roon­ey hefur áður sakað Var­dy um að leka upp­lýsingum um einka­líf Roon­ey-fjöl­skyldunnar í fjöl­miðilinn The Sun og upplegg verjanda Rooney í dag var að koma með fleiri sambærileg mál til sögunnar, mál sem hann segir tengjast því að Rebekah Vardy eða umboðsmaður hennar fyrir tilstilli Vardy, hafi lekið upplýsingum um til fjölmiðla gegn greiðslu.

Meira:
Áfram þjarmað að Vardy sem brast í grát – Hlé gert fyrir hana

Nú er komið að Rooney að segja sína hlið. „Ég vildi góma aðganginn og ég setti upp plan,“ segir Rooney.

„Ég ákvað að semja sögur og takmarka hver gæti séð þetta. Þetta var bara aðgangur Vardy sem gat séð þetta. Ég setti þetta á Instagram í 24 klukkustundir. Ég beið svo til að sjá hvort lygasögur mínar sem aðeins aðgangur Vardy sá myndi enda í The Sun.“

„Það vissi enginn af þessu sem var í gangi, það var að ganga frá mér að segja ekki neinum frá planinu mínu.“