Aron Einar Gunnarsson lék allan leikinn með Al Arabi í 4-2 tapi gegn Al-Sadd í efstu deild Katar í dag. Aron lék í miðverði í leiknum.
Al Arabi er í fimmta sæti deildarinnar með 23 stig.
Rúnar Alex Rúnarsson stóð að vanda í marki Leuven í 3-1 tapi gegn Beerschot í belgísku deildinni.
Leuven er í þrettánda sæti deildarinnar með 26 stig.
Birkir Bjarnason lék síðasta stundarfjórðung leiksins í 5-0 stórsigri Adana Demirspor á Karagumruk í efstu deild Tyrklands.
Birkir og félagar voru manni fleiri í um klukkustund í dag. Mario Balotelli kom inn á sem varamaður fyrir Adana Demirspor á 82. mínútu og var búinn að skora mínútu síðar.
