Duncan Ferguson, bráðabirgðastjóri Everton, borgaði fyrsta bjórinn fyrir áhorfendur fyrir leikinn gegn Aston Villa í dag.
Ferguson lét bari í kringum Goodison Park, heimavöll Everton, vita af því að hann myndi greiða fyrir fyrstu umferð af drykkjum.
Stjórinn er afar vinsæll á meðal stuðningsmanna Everton. Hann var aðstoðarmaður Rafa Benitez áður en sá var rekinn á dögunum. Hann tók því við til bráðabirgða.
Ferguson tók einnig við til bráðabirgða árið 2019 og stóð sig vel áður en Carlo Ancelotti tók við liðinu, með Ferguson sér til aðstoðar.
Því miður fyrir Ferguson og Everton tapaðist leikurinn í dag, 0-1. Emiliano Buendia skoraði sigurmark leiksins seint í fyrri hálfleik með skalla eftir hornspyrnu frá Lucas Digne. Sá síðarnefndi kom til Villa frá Everton á dögunum vegna ósættis við Rafa Benitez, þá stjóra Everton.
