Gylfi Þór Sigurðsson þénaði 750 milljónir króna á síðasta ári frá Everton samkvæmt Viðskiptblaðinu. Lækkuðu laun hans um 100 milljónir króna.
Laun Gylfa lækkuðu sökum þess að hann fékk enga bónusa fyrir spilaða leiki og mörk á seinni hluta árs. Gylfi er undir rannsókn lögreglu í Bretlandi og er sakaður um kynferðisbrot gegn ólögráða einstaklingi.
Viðskiptablaðið fjallar um laun íslenskra knattspyrnumanna í blaði sínu. Jóhann Berg Guðmundsson kantmaður Burnley er sagður hafa þénað um 500 milljónir króna.
Það er um 150 milljónum króna meira en árið á undan, Jóhann skrifaði undir nýjan samning við Burnley á síðustu leiktíð.
Aron Einar Gunnarsson er í þriðja sæti listans og er sagður hafa þénað 290 milljónir króna hjá Al-Arabi. Rúnar Alex Rúnarsson fékk svo um 250 milljónir hjá Arsenal.
Listi Viðskiptablaðsins:
Gylfi Þór Sigurðsson Everton um 750 m.kr.
Jóhann Berg Guðmundsson Burnley um 500 m.kr.
Aron Einar Gunnarsson Al Arabi um 290 m.kr.
Rúnar Alex Rúnarsson Arsenal (OH Leuvení láni) um 250 m.kr.
Alfreð Finnbogason Augsburg um 225 m.kr.
Arnór Sigurðsson CSKA Moskva (Venezia í láni) um 200 m.kr.
Hörður Björgvin Magnússon CSKA Moskva um 200 m.kr.
Sverrir Ingi Ingason PAOK um 180 m.kr.
Rúnar Már Sigurjónsson CFR Cluj um 150 m.kr.
Guðlaugur Victor Pálsson Schalke 04 um 150 m.kr.
