Mikael Egill Ellertsson færist úr A landsliðinu yfir í U21 liðið fyrir leik þess gegn Grikklandi á Fylkisvelli á þriðjudag.
Leiknismaðurinn Hjalti Sigurðsson kemur einnig inn í U21 hópinn. Finnur Tómas Pálmason og Brynjólfur Darri Willumsson verða ekki með U21 vegna meiðsla.
Mikael Egill var í fyrsta sinn í hópi landsliðsins í verkefninu sem nú er í gangi en hefur ekki komið við sögu.
Mikael gekk í raðir Spezia á dögunum en var aftur lánaður til SPAl þar sem hann hefur verið síðustu ár.
Mikael er 19 ára gamall eða fæddur árið 2002.