Haraldur Björnsson hefur framlengt samning sinn við Stjörnuna til næstu þriggja ára. Markvörðurinn knái hefur reynst félaginu afar vel.
„Halli hefur staðið sig gríðarlega vel og verið einn besti markvörður deildarinnar undanfarin ár og hefur staðið vaktina með sóma fyrir okkur á erfiðum tímum í sumar og unnið frábærlega með markmannsteyminu okkar sem við erum mjög stoltir af enda ekkert lið í deildinni sem státar af þremur frábærum markmönnum innan sinna raða.“ segir Helgi Hrannarr, formaður mfl ráðs eftir undirskriftina.
Haraldur elskar lífið í Garðabænum og hefur fest rætur þar. „Það er geggjað að vera í Garðabænum, Stjarnan er mitt lið og hér hefur mér liðið frábærlega og allt umhverfið er mjög professional og ég veit að liðið á mikið inni með öllum þeim fjölda ungra leikmanna sem eru að koma upp í takt við frábæran kjarna og mjög góða umgjörð. Við munum koma sterkir inní næstu tímabil eftir smá bras á þessu og við erum með stóran og öflugan hóp sem hefur mikinn metnað til að ná lengra, ásamt því að eiga bestu stuðningsmenn landsins.“ segir Haraldur
Stjarnan gekk í gegnum erfitt sumar í ár en vonast til að snúa við blaðinu á næsta ári.