Dolores Aveiro, móðir knattspyrnusnillingsins Cristiano Ronaldo, hefur slegið á þær sögusagnir að ósætti sé á milli hennar og Georgina Rodriguez, kærustu Portúgalans.

Ronaldo og einkalíf hans er reglulega í umræðunni og hafði einhver slegið því upp að móðir hans og maki næðu illa saman.

,,Hún er góð stelpa,“ sagði Aveiro er hún var spurð út í Georgina.

Aveiro sagði einnig að Georgina og Ronaldo fengju næga aðstoð með börnin sín fjögur.

,,Cristiano Er frábær faðir en hann hefur fólk til að aðstoða sig. Börnin hafa barnapíur og svo er starfsfólk sem sér um margt.“

,,Það er vinna að sjá um fjögur börn. Georgina stendur þétt við bakið á Cristiano, engin spurning.“